مصر مقبرة الغزاة،،،
قعدت أفكر تفكير عميق وغزير وكثيف للي بيحصل من أول الثورة لحد دلوقتي.
وفي النهاية وصلت لحقيقة علمية مذهلة، عن سر قهر المصريين لكل الغزاة.
الغازي من دول يدخل مصر، وفي دماغه كام خطة إنما ولاد لذينا.
ينفذ الأولى تفشل بدون أي سبب منطقي...مجرد إن المصريين مكبرين.
ينفذ التانية...تحصل أختها في الفشل...
ويفضل يا ولداه عمال يحاول ويفشل...
شوية ويجيب جاز ويسلم نمر...
يدي سلاحه للمصريين ويديهم الكرباج ويقولهم:
أجلدوني بس أفهم...أبوس إيد أبوكم فهموني...يااااااااااااختي.
وشوية ويبدأ يصرخ ويشد في شعره ويقطع هدومه.
يجري في حواري التاريخ والحكايات، وهو بيصرخ:
ياني ياني ياني...مش هغزو مصر تاني.
------------------------------------------------
أحبيبتي أمصر أمصر...أحبيبتي أمصر :D
***
مخاميخ: عدنان القماش.
ليست هناك تعليقات:
إرسال تعليق
al_real_king@yahoo.com