مهمة قومية

في مهمة قومية، هي الأولى من نوعها.
ومثلما تفعل الدول في إرسال رجالتها للفضاء الخارجي لاكتشاف الكواكب والفضاء الخارجي.
وبعد أن سحقنا أسطورة أبو ظبي في درجة الحرارة، وتحولت إلى مارينا بالنسبة للقاهرة.
تربصت بدولة الكويت الحبيبة، حيث البث التجريبي لدرجة حرارة جهنم.
ومن هذا العرق، أُبشر الشعب المصري الشقيق.
أننا استطعنا اليوم الفوز على الكويت بنتيجة 45 ل 44 درجة مئوية.
هذا وعلى الجميع الاحتفاظ بأطفالهم في الثلاجة بعيدا عن متناول الحرارة.
***
مخاميخ صيفية: عدنان القماش.
هانت يا ردالة...كلها شوية والجنية المصري هيبقى بحاجة وعشرين جنية مصري
---------
شاركونا على صفحتنا العالمية ....مخاميخ
https://www.facebook.com/Mkhamekh?ref=hl

أثيوبيا

الإخوة الزعلانين من موضوع أثيوبيا والمايه والكلام الفاضي ده.
أحب أقولهم: 
الرجل بتاع الخضار، جاب عربية كارو بيجرها حصان ميت، ودخل لقلب المعادي.
وربط الحصان في صندوق الزبالة - بتاع الحكومة - قصاد محطة مترو المعادي.
وقام ناصب الفرشة...والحصان عمل حاجات مش لطيفة في الطريق العام. دون أي مراعاة لوجود بيت سفير الدولة الصهيوينة الشقيقة بالقرب من المنطقة.
لكن بصراحة كان فيه واحد أمين شرطة مجتهد جدا، كان بيحاول ينسق حركة مرور التكاتك.

يا سادة، قالها الشاعر - بس ما حدش صدقه - :
الدولة التي لا تحمي معاديها *** نيلها لا يمكن يرويها
***
مخاميخ صيفية: عدنان القماش.

بشرى سارة

بشرى سارة لسكان دولة مصر الكرام.
درجة الحرارة في القاهرة 41، وفي أبوظبي 34 !!!
إحنا عدينا الخليج في الحرارة يا ردالة، خمسة بقى كده ونعديهم في الفلوس.
***
مخاميخ صيفية: عدنان القماش.
رشلنا شوية مايه يا بني ع البوست ده.